Гасцявая кнiга
Дарагія педагогі, вучні!
Адкрыццё этнаграфічнага музея – гэта новая старонка беларускай гімназіі. Гэта яшчэ адно дакрананне да роднай спадчыны. Жадаем вам новых адкрыццяў , поспехаў у вучобе, новых дасягненняў у працы.
Хай жыве родная Беларусь!
Упраўленне адукацыі Бабруйскага гарвыканкама
Які цудоўны кут!
Калі ў этнаграфічны музей зойдзеш, адразу адчуваеш свет першароднага мастацтва, лёс свайго народа. Знаёмячыся з прадметамі нашых продкаў, яшчэ раз пераконваешся ў тым, што на самых трагічных крутазломах нацыянальнай гісторыі наш народ ніколі не траціў веры ў чалавечую дабрыню, чысціню, сумленнасць і працавітасць.
Кажуць, існуе непарыўная сувязь паміж чалавекам і прадметамі, якія акружалі яго. Гэта сувязь найбольш адчувальна, калі заходзіш у музей. Прадметы даюць магчымасць паўней уявіць вобраз жыцця нашых продкаў. Спачатку трапляем у сенцы, знаёмімся з прадметамі…
А як цяжка ўявіць сабе слова "кросны"! А ўбачыўшы, адразу пазнаеш ткацкі станок. Вельмі цікавая была экскурсія, вельмі падабалася вучням. Жадаем поспехаў, далей пазнаваць свой гасцінны, добры, горды і таленавіты народ!
Бацькi 4”В” класа гiмназii № 1
Вельмі добра абсталявалі гэты музей, добрыя маеце экспанаты, экспазіцыi, дзеткі добра ведаюць гістарычны і фальклорны матэрыялы.
Малайцы, так трымаць і далей. Пашырайце i набывайце матэрыял для музея. Поспехаў Вам у дальнейшым.
Група інспектараў і метадыстаў Магілёўскай вобласці