З 19 па 23 верасня 2022 года ў дзяржаўнай установе адукацыі “Гімназія № 1 г. Бабруйска”праходзілі мерапрыемствы Тыдня роднай мовы пад агульнай назвай “Як ты дорага мне, мая родная мова!”. Усе мерапрыемствы былі накіраваны на выхаванне патрыятызму і павагі да роднай мовы і гісторыі краіны, на развіццё аналітычнага мыслення і творчых здольнасцей гімназістаў. На працягу Тыдня навучэнцы размаўлялі і спявалі па-беларуску, чыталі вершы беларускіх паэтаў, віртуальна наведалі Музей народнай архітэктуры і побыту і Беларускі музей гісторыі Вялікай Айчыннай вайны, успомнілі галоўныя каляндарныя святы. У музеі ўстановы адукацыі была арганізавана выстава “Майстры слова”, прысвечаная жыццю і творчасці В.Дуніна-Марцінкевіча. Навучэнцы старэйшых класаў прынялі ўдзел у конкурсе творчых пісьмовых работах “За што я люблю родную мову”. Усе работы аб'яднала галоўная думка: беларуская мова - гэта скарб, якім мы павінны ганарыцца і ніколі не адракацца.