Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

«Літаратурная Бабруйшчына»

Гісторыя стварэння музея “Літаратурная Бабруйшчына”

Бабруйская зямля багатая на таленты. Яна нарадзіла знакамітага беларускага пісьменніка, драматурга, асветніка, пачынальніка беларускай літаратуры Вінцэнта Дуніна-Марцінкевіча, які з’явіўся на свет 4 лютага 1808 года і дзесьці каля 1817-1818 года  вучыўся ў Бабруйскай двухгадовай павятовай школе.

У невялікай вёсачцы Плёсы Бабруйскага раёна пазнаў жыццё і вядомы беларускі паэт, празаік, перакладчык Мікола Аўрамчык. У 1903 годзе ў вёсцы Пабокавічы Бабруйскага раёна нарадзіўся  пісьменнік, грамадскі дзеяч Платон Галавач. А ў самім Бабруйску з’явіўся на свет Барыс Мікуліч –  празаік, крытык. У пасёлку Глуша Бабруйскага раёна прайшло дзяцінства і юнацтва Алеся Адамовіча, пісьменніка, сцэнарыста, літаратуразнаўцы.

У свой час на Бабруйшчыне жылі і працавалі  Міхась Лынькоў, Сяргей Грахоўскі, Хвядос Шынклер і іншыя. Міхась Лынькоў у 1928-1930 гадах быў рэдактарам акруговай  газеты “Камуніст”, арганізатарам і кіраўніком Бабруйскай філіі “Маладняка”. Разам з ім працаваў і Хвядос Шынклер. А паэт, празаік і перакладчык Сяргей Грахоўскі ў 1930 годзе працаваў рабочым на Бабруйскім дрэваапрацоўчым камбінаце.

Такім чынам, у 1988 годзе ў сярэдняй школе №13 (пасля ДУА “Гімназія №1 г. Бабруйска”) быў створаны музей “Літаратурная Бабруйшчына” , які працуе і сёння. 

З 2023 года музеем  кіруе настаўніца беларускай мовы і літаратуры

Бірукова Анастасія Віктараўна. Дзейнічае савет музея, музейны

актыў на чале са старшынёй савета музея і намеснікам старшыні.

Савет музея мае наступную структуру:

  • сектар збору і захоўвання матэрыялаў;
  • сектар афармлення;
  • экскурсійны сектар;
  • пошукава-даследчы сектар;

Экспазіцыя складаецца ў асноўным са стэндаў і вітрын. На стэндах размешчаны матэрыялы пра наступных пісьменнікаў: В. Дуніна-Марцінкевіча, А. Адамовіча, М. Аўрамчыка, П. Галавача, Б. Мікуліча, С. Грахоўскага, М. Лынькова, Х. Шынклера. У вітрынах знаходзяцца кнігі з аўтографамі пісьменнікаў, іх успаміны, фотаздымкі.

Экспазіцыі музея часта выкарыстоўваюцца на ўроках беларускай мовы і літаратуры ў старшых класах. Штогод праводзяцца тэматычныя выставы да юбілеяў піьсьменнікаў.

Фонды камплектаваліся ў выніку супрацоўніцтва з рэдакцыяй мясцовай газеты, яе рэдактарам А.К. Дземідовічам, музеямі Мінска, Бабруйска, з нацыянальнай бібліятэкай у Мінску.

Асноўнай крыніцай папаўнення музея таксама з`яўляецца перапіска са сваякамі пісьменнікаў, самімі пісьменнікамі, сустрэчы з імі. Напрыклад, большую частку матэрыялаў пра жыццё і творчасць М. Лынькова перадала яго жонка – Соф`я Захараўна.

Марыя Сяргееўна Шынклер – сястра пісьменніка Х. Шынклера – перадала дакументы, кнігі, паштоўкі брата. Пра гэтага пісьменніка паведамілі і пісьменніца Л. Арабей, літаратурны крытык А. Лысенка, дачка пісьменніка.

Дачка Платона Галавача даслала кнігі бацькі, партрэт,  свае ўспаміны.

Вялікую дапамогу ў стварэнні музея аказала Марыя Мікуліч, сястра Б. Мікуліча, С. Грахоўскі, які некалі жыў у Бабруйску, П. Панчанка. А з паэтам Міколам Аўрамчыкам дзеці сустракаліся ў 1988 годзе, калі ён перадаваў музею свае кнігі, фотаздымкі, і ў 2005 годзе. На працягу апошніх гадоў музей наведалі такія пісьменнікі, як Міхась Пазнякоў, Аляксандр Казак. 

Былі і іншыя крыніцы папаўнення экспазіцыі: экспедыцыі і экскурсіі на радзіму пісьменнікаў.

Пры музеі дзейнічае савет музея і музейны актыў

АСНОЎНЫЯ РАЗДЗЕЛЫ МУЗЕЯ:

1. Класікі беларускай літаратуры.

2. Іх радзіма – Бабруйшчына.

3. Яны жылі і працавалі ў Бабруйску.

4. Маладыя таленты Бабруйшчыны.

Пры музеі дзейнічае гурток “Бабруйшчына літаратурная” і навуковая секцыя “Літаратурнае краязнаўства”.

У музеі распрацаваны тэматычныя экскурсіі,  якія праводзяцца саветам музея. Вось іх тэмы:

  • Аглядная экскурсія “Гэта наш бацькоўскі край”
  • “Мая Бабруйшчына зялёная” (Творчасць Міколы Аўрамчыка)
  • Літаратурная аб’яднанне ў 20-30 гады пры газеце “Камуніст”
  • Творчасць Святланы Басуматравай
  • “Ён застаёцца маладым” (жыццёвы і творчы шлях Б. Мікуліча)
  • Пісьменнік Х. Шынклер і яго дзейнасць у нашым горадзе
  • М. Лынькоў і газета “Камуніст”
  • В. Вітка – Дзіцячы паэт
  • Літаратурная дзейнасць В. Дуніна-Марцынкевіча
  •  Пісьменнікі Бабруйшчыны ў гады Вялікай Айчыннай вайны.

Работа музея адлюстроўвалася ў гарадской газеце “Бабруйскае жыццё”, на Рэспубліканскім радыё, зняты відэафільм для Міністэрства адукацыі РБ.

УЗНАГАРОДЫ МУЗЕЯ:

1. Дыплом Упраўлення адукацыі Магілёўскага аблываканкама за актыўную работу па першаму этапу экспедыцыі “Наш край”  7 кастрычніка 1993 г.

2. Дыплом 2 ступені заключнага этапу Рэспубліканскага конкурсу работ даслечага характару (2023).

3. Дыплом 3 ступені заключнага этапу Рэспубліканскага літаратурнага інтэрнет-конкурсу "Здабыткі гісторыі: асобы і падзеі" (2023).

Сустрэчы з вядомымі людзьмі.

2002 – музей наведаў сын Я. Коласа Міхась Міцкевіч

2003 – сустрэча з унучкай Я. Коласа Марыяй Міцкевіч

2003 – музей наведала дэлегацыя школьнікаў і настаўнікаў Маскоўскай гімназіі

2003 – сустрэча з дачкой Алеся Адамовіча Наталляй Адамовіч

2005 – музей наведала пісьменніца Вольга Іпатава

2005 – у другі раз адбылася сустрэча з Наталляй Адамовіч

2005 – творчы вечар на базе музея Міколы Аўрамчыка

2014 - сустрэча з акцёрамі бабруйскага тэатра А. Парфяновічам, А. Грахавай і іншымі

2016 - творчая сустрэча з пісьменнікам Бабруйшчыны Аляксандрам Казаком

2016 - творчая сустрэча з пісьменнікам Міхасём Пазняковым



Фотагалерэя музея "Літаратурная Бабруйшчына" 

Кіраўнік музея Рудзянкова Л.І. і члены савета музея перад экскурсіяй

                                   Кіраўнік музея праводзіць заняткі з экскурсаводамі

Члены савета ў час экскурсіі

Член савета Ішчанка Вікторыя праводзіць экскурсію

Мятлоў Даніла праводзіць экскурсію "Ваеннымі шляхамі Міколы Аўрамчыка"

Літаратурная вечарына "Пясняр Нарачанскага краю"

Член савета музея Клімчык Дар'я праводзіць аглядавую экскурсію 

Пісьменнік Аляксандр Казак раздае аўтографы вучням

Міхась Пазнякоў у гасцях у музея 

Пасля правядзення літаратурнай кампазіцыі "Мне Богам дана Радзіма"

У час сустрэчы з акцёрамі тэатра імя В. Дуніна-Марцінкевіча

Экспазіцыя музея

З гісторыі музея: М. Аўрамчык, А. Казак з настаўнікамі і вучнямі гімназіі


    ЗАПРАШАЕМ У ГОСЦІ

         Музей 
       “Літаратурная Бабруйшчына”

      Адрас:
     213811 Магілёўская вобласць,
          г. Бабруйск, вул. Ульянаўская, 27а
                              Дзяржаўная установа адукацыі                                  “Гімназія №1 г. Бабруйска”  каб. 2-7

Разделы сайта