З кастрычніка 2017 года ў Бабруйску праходзіць фестываль Праваслаўнай культуры.
У рамках фестывалю ў Бабруйскім мастацкім музеі адкрыта выстава “Святло Праваслаўных абразоў”, якую 25.11.2017 наведалі вучні X «В» класа. У ходзе наведвання навучэнцы пазнаёміліся з трыма школамі іканапісі: беларускай, маскоўскай, візантыйскай. Зацікаўленасць у наведвальнікаў выклікалі абразы беларускага аўтара Мікалая Доўнара і абразы Божай Маці. Экскурсавод патлумачыў лексічнае значэнне такіх малавядомых слоў, як леўкас і яечная тэмпера.